Куз фасли кайфият ёмонлашиши ёки тушкунликка тушиш учун баҳона бўлмаслиги керак. Аксинча табиат — дарахт, япроқлардаги ранглардан илҳомланиш ва ҳаво ҳарорати қандай бўлишидан қатъи назар ранг-баранг ва дидли кийиниш керак. Машҳур дизайнерларнинг куз-қиш коллекциялари, хусусан, Bottega Veneta мода кўргазмасидан ўрин олган лайм рангидаги либослар юқоридаги фикрга исбот бўла олади.
Образ яратишда хато қилишдан чўчийдиганларга эса street-style услубида кийинадиган мода ихлосмандларини кузатиш тавсия қилинади.
Ўз услубига ва дидига эга бўлган модасевар аёл-қизлар аллақачон асосий трендларни образларида қўллашни бошлаб юборган. Сиз ва биз эса улардан илҳомланишимиз ва кийиниш услубимизга янгилик бахш этишимиз мумкин.
Ишни нимадан бошлашни билмаётган бўлсангиз энг аввало бир қанча рангни ўзида умумлаштирган устки кийим ёки либос харид қилинг.
Кейин эса образингизга ёрқин аксессуар — сумка, камар, тақинчоқ ёки пойабзал қўшинг. Суратдаги модель сингари The Pouch Bottega Veneta қизил клатчи билан Balenciaga бренди сингари принтли либосдан ғоя олсангиз бўлади.
Шимни ҳам суратдагидек ёрқин оловранг ёки бошқа рангини танланг. Ҳамма шаблонларни четга суриш ва эътиборни ёрқинлик ва қизиқарли принтларга қаратиш мақсадга мувофиқ.
Вариантлар кўп, асосийси эса янгиликдан ва ранглар билан «ўйнашдан» қўрқмаслик, ижодкорона ёндашиб, қолипга тушиб қолмасликка ҳаракат қилиш керак.
Мавзуга доир:
- Куз учун мақбул танлов: Бичими қоматни ихчам кўрсатадиган кўйлаклар (фото)
- Дидли кийинишнинг 5 белгиси: тренд ортидан қувманг, ўз кийиниш услубингизга эга бўлинг
- Эски либослар билан янги образ яратиш учун тавсиялар
- Бошқалардек бўлманг, ўзига хос кийининг: комбинезон ушбу мавсумда етакчилик қилади
- Сумкага тақинг, бўйинга боғланг, сочга қўшиб ўринг — рўмол билан бетакрор образлар яратамиз (фото)