Apple компанияси 15 сентябрь куни ўтказиладиган илк кузги тақдимотининг анонси билан бўлишди. Тахминларга кўра, ушбу тадбирда компания iPhone 12 ва бошқа бир қанча янги қурилмаларини тақдим этиши керак. Бироқ Bloomberg’нинг ёзишича, смартфонлар фақатгина октябрда ўтказиладиган алоҳида тақдимотда намойиш этилади.
Нашр ҳисобида ёзилишича, Apple’нинг 15 сентябрдаги тақдимоти бироз кичик кўламли анонсларга бағишланган. Компания кичик ҳошияли ва бармоқ изи сканерига эга янги iPad Аir’ни, қондаги кислород миқдорини ўлчашга қодир Apple Watch Series 6 соатини, шунингдек, кичрайтирилган HomePod колонкаси ва Apple бренди остидаги илк улама наушникларини тақдим этиши керак.
Агарда ушбу маълумот тўғри бўлса, бу компания 2012 йилдан буён (iPhone 5 тақдимоти) сентябрда ўтказилмаган илк тақдимотга айланади. Белгиланган муддатнинг чўзилиб кетишига коронавирус пандемияси сабаб бўлган, шу сабабли компания етарлича смартфонларни ишлаб чиқаришга улгурмай қолди.
Мавзуга доир: