Коронавирусга қарши кураш штаби аъзоси Ҳабибулло Оқилов коронавирусга қарши антитаначаларни аниқлашда энг информатив тест бу ИХЛА усулидаги тест эканлигини маълум қилган.
Мавзуга доир: Ўзбекистонда антитана таҳлили ўтказилиб, аҳолининг қанча қисмида коронавирусга иммунитет борлиги аниқланади
Жумладан, мутахассис фуқаролардан келган «Антитаначаларни аниқлаш учун қайси тест тури энг информатив ҳисобланади — лабораторияда тест таҳлилими ёки экспресс-тестлар?», деган саволга қуйидагича жавоб берган:«Айтиш керакки, ҳеч бир тест 100 фоиз аниқлик бермайди. Ҳозирги вақтда антитаначаларни аниқлашда 90-95 фоиз кўрсаткич билан энг информатив тест — иммунохемилюминессент таҳлил ИХЛА усули ҳисобланади. Экспресс-тестлар ҳам юқори аниқлиликка эга, фақат ташиш ва қўллаш қоидаларига риоя қилинганда».
Эслатиб ўтамиз, аввалроқ Оқилов коронавирусга ҳосил бўлган антитаначаларни аниқлаш методикалари Ўзбекистонга олиб келинаётганини билдирган. ИФА ёки ундан ҳам янги ИХЛА таҳлиллари касаллик ўтиб бўлганидан кейин организмда ҳосил бўлган антитаначаларнинг аниқлашини айтган эди. Шунингдек, Санитария-эпидемиология назорати инспекцияси бош инспектори Нурмат Отабеков коронавируснинг яна 6 та варианти мавжудлиги, қайта касаллиниш ҳолатларида одам ўша касалликнинг ўзгарган ёки қўшимча хислатларини ўзида намоён қилган мутацияга учраган штаммлари билан касалланиши мумкинлигини билдирган. Мавзуга доир:- Коронавирусга қайта чалиниш эҳтимоли ва антитаначалар таҳлили борасидаги саволларга аниқлик киритилди
- Ҳабибулла Оқилов: Хусусий тиббиёт муассасаларида коронавирусга тест олишни тақиқлаш бўйича ҳеч қандай кўрсатма йўқ
- Ўзбекистонда коронавирусдан тузалган беморлар қандай қоидаларга амал қилиши лозимлиги айтилди
