Ўзбекистон халқ артисти Ёдгор Саъдиев нима сабабдан «Шайтанат» сериалини телевидениеда намойиш этиш тақиқланганини маълум қилди. Бу ҳақда у журналист Феруз Муҳаммад билан бўлиб ўтган интервьюда гапирди.
Қаердадир, ким томонидандир ва нима учундир сериал намойиш этилмаслиги ҳақида оғзаки кўрсатма берилган. Қаердадир гапирилгани, у ёки бу сабабдан намойиш тақиқланаётгани ҳақида ҳеч қандай ёзма тушунтириш бўлмаган. Мен бунинг барчасига сабр қилдим. Агар менга «Мана бу аниқ сабаб бўйича сериални ёпаяпмиз», деб айтишганида, мен ўшанда нимадир қилган бўлар эдим. Мен сабр қилдим ва 20 йил кутдим. Биласизми, уларнинг ўзи ҳам аниқ сабабни билмайди. Бироқ, кўриб турганимиздек, замон ўзгармоқда.Актёрнинг фикрича, фильм мафиянинг ва жиноят оламининг романтик образи яратилгани сабабли ёқмаган бўлиши мумкин. Бироқ унинг сўзларига кўра, фильмда акс этган баъзи воқеалар ўша йилларнинг реаллиги бўлган.Ёдгор Саъдиев, Ўзбекистон халқ артисти
Сериалнинг нима учун телевидениеда намойиш этилиши чўзилаётганига жавобан актёр бунга техник сабабларни кўрсатиб ўтди.
Унинг сўзларига кўра, яқин вақт ичида «Ўзбекистон» телеканалида сериалга бағишланган кўрсатув намойиш этилади. Бу кўрсатув «Шайтанат»нинг телевидениеда намойиш этилишидан олдин эфирга узатилади.
Ёдгор Саъдиевнинг сўзларига кўра, айни пайтда сериални замонавий қурилмаларга ўтказиш ишлари олиб борилмоқда. Иккита қисм бўйича иш қолган.
Актёрнинг айтишича, фильмни яратишда ўша вақтдаги Ўзбекистон ички ишлар вазири Зокир Алматов катта ёрдам берган.