Буюк Британия қироличаси Елизавета II 31 октябрь битимисиз Европа иттифоқидан чиқишни тақиқловчи қонун лойиҳасини маъқуллади, деб хабар берди Meduza.
Шу тарзда ҳужжат қонун мақомини олди.
Британия парламенти ўтган ҳафтада Brexit’ни тақиқлаш тўғрисидаги қонун лойиҳасини маъқуллаган эди.
Шундан сўнг мамлакат бош вазири Борис Жонсон муддатидан олдинги парламент сайловларини ўтказишни таклиф қилди. Бироқ унинг таклифини унчалик кўп депутат қўллаб-қувватламади.
9 сентябрь, душанба куни Буюк Британия парламенти ўз ишини бир ойдан кўпроқ муддатга тўхтатади. Бунга август ойининг охирида қиролича Елизавета II Борис Жонсоннинг сўровига биноан рухсат берган эди.