Қирғизистон собиқ президенти Алмазбек Атамбаев кучишлатар тузилмаларни «халққа қарата ўқ узмасликка» чақирди. Бу каби баёнотни мамлакатнинг собиқ раҳбари ўзи назорати остида бўлган «Апрель» телеканали орқали билдирган, деб хабар беради Tengrinews.
«Куч тузилмаларига мурожаат қиламан: ўз халқингиз қарата ўқ узманг, буларнинг барчаси сиз учун ёмонлик билан тугайди», — дейди Атамбаев.
Атамбаев ўз мурожаатида кўплаб айбсиз инсонлар жабрланганидан афсусда эканлигини маълум қилган. «Бугун мени қўлга олишга уринишди, афсуски бунда кўплаб бегуноҳ одамлар жароҳат олди. Чунки мени қўлга олиш учун ‘Алфа’ антитеррористик махсус бўлинмаси юборилган. Биз террорчи эмасмиз. Мен ҳам, уйим атрофидаги тинч аҳоли ҳам террорчи эмас. Кўпчилик шунчаки мен билан суратга тушиш учун келган. Мана сизларга қаттиққўллик, амалдаги ҳокимиятнинг бу каби бепарволиги одамни ҳайратга солади», — дейди собиқ президенти.
Атамбаевнинг фикрича, махсус бўлинма ходимлари нафақат махсус воситалардан, балки жанговар қуроллардан ҳам фойдаланган.
Собиқ президент ўзининг қўлга олинишига йўл қўймаган одамларга миннатдорчилик билдирди.