Қашқадарё вилояти ҳокими Зафар Рўзиев ҳам Яккабоғда жамоатчилик билан учрашиб, бўлиб ўтган воқеалар учун узр сўради.
— Яккабоғда рўй берган воқеалар 100 фоиз вилоят ва туман ҳокимликларининг хатоси. Бунинг учун ҳукуматимиздан, халқимиздан, азият чеккан тадбиркорлар, журналист ва блогерлардан кечирим сўрайман. Агар бизга имкон берилса, бундан буён «Бузилсин, олиб ташлансин, қўпорилсин», деган сиёсатдан мутлақо воз кечамиз, — деди Рўзиев.
Шавкат Мирзиёев 2 август куни бўлиб ўтган видеоселектор йиғилишида жойлардаги бузилиш ишларида зўравонлик сиёсатини қоралаган ва бунга йўл қўйган ҳокимлар, хусусан, Зафар Рўзиевнинг ҳаракатларини хиёнат сифатида баҳолаганди.
Эслатиб ўтамиз, олдинроқ Фарғона вилояти ҳокими Шуҳрат Ғаниев Риштон туманига бориб, маҳаллий аҳоли билан учрашган ва туманда олиб борилган бузилиш ишларида йўл қўйилган хатолар учун кечирим сўради.
Изоҳ (0)