Калифорния шимолидаги Бьютт округидаги ўрмон ёнғинлари қурбонлари сони 77 нафарга етди, деб хабар берди «ТАСС».
Шу тариқа Калифорниядаги ўрмон ёнғинлари қурбонларининг умумий сони 80 кишига етган.
Бунда бедарак йўқолган инсонлар сони аксинча, қисқарган. Яъни ушбу кўрсаткич 1,3 минг кишини ташкил этган.
Сўнгги маълумотларга кўра, штат тарихидаги энг ҳалокатли деб тан олинган «Кэмп» ёнғинлари майдони 500 квадрат километрни ташкил этди. Ёнғин 12 мингта бинони йўқ қилган, улардан 10 мингтаси уйлар.
Изоҳ (0)