Норматив-ҳуқуқий ҳужжатлар лойиҳалари муҳокамаси порталида «Ўзбеккўмир» акциядорлик жамияти самарадорлигини ошириш чора-тадбирлари тўғрисидаги Президент қарори лойиҳаси жойлаштирилди.
Мазкур қарор билан «Ўзбекистон темир йўллари» акциядорлик жамиятининг «Ўзбеккўмир»АЖ устав капиталидаги 45 фоиз акциясини «Прогресс Гор Тех» МЧЖга (Россия) уч йил муддатга ишончли бошқарувга берилиши кўзда тутилган.
Бунинг учун Ўзбекистонда Россия компаниясининг шўъба корхонаси очилади.
«Ўзбеккўмир»АЖ бошқарув органларига 2019 йил 1 июнгача ишончли бошқарувчи томонидан тақдим этиладиган жамият самарадорлигини ошириш бўйича бизнес-режани кўриб чиқиш ва тасдиқлаш тавсия этилган.
Ишончли бошқарувчи «Ўзбеккўмир»АЖ бошқарувига хорижий мутахассисларни жалб этиши мумкинлиги кўзда тутилган.
Бизнес-режа параметрлари бажарилган тақдирда 3 йиллик муддат яна узайтирилиши мумкин.
Изоҳ (0)