Қашқадарё вилояти, Қамаши туманида 2015 йил 10 август куни туғилган қизалоққа Ишани, деб исм қўйилди. Бу ҳақда, чақалоқнинг туғилганлик ҳақидаги гувоҳномасининг ижтимоий тармоқларда тарқалган фотосуратига асосланиб, «Kun.uz» хабар бермоқда.
Қайд этиш жоиз, Ишани айни пайтда ЎзМТРКнинг «Ёшлар» телеканали орқали эфирга узатилаётган, Ҳиндистонда суратга олинган «Сенга ошиқман» сериали бош қаҳрамонларидан бирининг исмидир.
Эслатиб ўтамиз, бунгача ўзбек оилаларида туғилган болаларга Брюс Ли, Чингачкук, Месси, Марадона, Неймар, Дэвид Бекхэм, Роналдо, Жумонг ва бошқа машҳур кино ҳамда сериал қаҳрамонлари, футболчиларнинг исм-шарифлари қўйилгани ҳақида хабарлар берилганди.
Изоҳ (0)