Universal-Illumination Entertainment компанияси томонидан яратилган «Миньонлар» мультфильми прокатда бир миллиард доллардан ортиқ маблағ тўплади. Бу ҳақда Variety хабар беради.
Анимацион комедиянинг Шимолий Америка прокатидаги тушуми 321,9 миллион доллар, дунёнинг қолган мамлакатларида эса 682 миллион долларни ташкил этди.
Universal учун «Миньонлар» жорий йилдаги катта муваффақиятли, кассабоп фильмлар қаторида «Форсаж 7» (1,512 миллиард доллар тушум) ва «Юра даври дунёси» (1,628 миллиард) фильмларидан сўнг учинчи ўринни эгаллади.
«Миньонлар» Венгрия, Индонезия, Латвия, Филиппин, Россия, Таиланд, Украина каби 11 та мамлакатда барча даврлардаги энг кассабоп анимацион фильмга айланди.
Изоҳ (0)