Тошкентда UMS дилерлик офислари очилишга тайёрланмоқда

Тошкент шаҳрида Universal Mobile Systems (UMS) мобил алоқа оператори дилерлик офислари очилишга тайёрланмоқда.

Жумладан, Қўйлиқ мавзесида очилиши режалаштирилган UMS дилерлик офиси биноси «Дарё» мухбирлари томонидан суратга олинди.

Шунингдек, Facebook’даги «Potrebitel.uz» гуруҳида ҳам очилиши кутилаётган дилерлик офисларининг суратлари жойлаштирилган.

Аввалроқ, UMS оператори Фарғонада собиқ «МТС-Ўзбекистоннинг» бош биносида дилерлик шартномаларини тузиш бўйича мурожаатларни қабул қилаётгани хабар берилган эди. Бундан ташқари, компания алоқа маркази операторларини ишга олиш учун эълон бергани ҳам маълум қилинган.

Эслатиб ўтамиз, «МТС-Ўзбекистон» ўрнига ташкил қилинган UMS мобил алоқа оператори ўз тижорий фаолиятини 2014 йил 1 декабрдан бошлаши кўзда тутилган.