Yevropa Ligasi. “Borussiya Dortmund” o‘z maydonida Yurgen Klopp boshqaruvidagi “Liverpul”ni mag‘lub eta olmadi

Futbol bo‘yicha nufuzi jihatdan Yevropada ikkinchi raqamli klublar musobaqasi hisoblangan Yevropa Ligasida chorak finalning dastlabki o‘yinlari o‘z yakuniga yetdi.

Yurgen Klopp boshchilik qilayotgan Angliyaning “Liverpul” klubi Dortmundda “Borussiya” mehmoni bo‘lib, 1:1 hisobida durang o‘ynadi. Hisob 36-daqiqada Divok Origi tomonidan ochilgan bo‘lsa, ikkinchi bo‘limning 3-daqiqasida Mats Xummels muvozanatni tikladi.

Qolgan 3 ta bellashuvda esa bir hil hisoblar qayd etildi. Yevropa Ligasining so‘nggi ikki yildagi g‘olibi hisoblangan “Sevilya” yarim finalga birinchi qadamni Bilbaoda tashladi. Ukrainaning “Shaxtyor” klubi Portugaliyadan g‘alaba bilan qaytgan bo‘lsa, turnirdagi Ispaniyaning uchinchi jamoasi “Vilyarreal” Chexiya klubini mag‘lub etdi.

Yevropa Ligasi chorak finalining javob uchrashuvlari 14-aprel kuni bo‘lib o‘tadi.

Yevropa Ligasi Chorak final uchrashuvlari 7-aprel, payshanba

“Borussiya Dortmund” (Germaniya) — “Liverpul” (Angliya) 1:1

Gollar: Divok Origi, 36 (0:1). Mats Xummels, 48 (1:1).Ogohlantirishlar: Emre Jan, 9 (L). Adam Lallana, 45 (L). Roman Vaydenfeller, 45+5 (B). Marko Roys, 52 (B). Sokratis Papastatapulos, 81 (B).“Borussiya Dortmund”: Roman Vaydenfeller, Sven Bender (Sokratis Papastatapulos, 76), Genrix Mxitaryan, Marko Roys, Mats Xummels, Pyer-Emerik Obameyang (Kristian Pulishich, 77), Lukash Pishek, Gonsalo Kastro, Marsel Shmelser, Yulian Vaygl, Erik Durm (Nuri Shaxin, 46).“Liverpul”: Simon Minyole, Nataniel Klayn, Deyan Lovren, Jeyms Milner, Filipe Koutino, Jordan Xenderson (Jo Allen, 46), Mamadu Sako, Alberto Moreno, Adam Lallana (Roberto Firminyo, 77), Emre Jan, Divok Origi (Daniel Starrij, 84).

“Vilyarreal” (Ispaniya) — “Sparta Praga” (Chexiya) 2:1

Gollar: Sedrik Bakambyu, 3 (1:0). Yakub Brabets, 45+4 (1:1). Sedrik Bakambyu, 63 (2:1).

“Braga” (Portugaliya) — “Shaxtyor” (Ukraina) 1:2

Gol: Yaroslav Rakitskiy, 45 (0:1). Fakundo Ferreyra, 75 (0:2). Uilsan Eduardo, 89 (1:2).

“Atletik” (Ispaniya) — “Sevilya” (Ispaniya) 1:2

Gol: Aris Aduris, 48 (1:0). Timote Kolodzeychak, 56 (1:1). Visente Iborra, 83 (1:2).