WWW.uz hisoblagichi bo‘yicha UZ milliy domeni internet-festivali g‘oliblari aniqlandi. O‘z yo‘nalishida birinchi o‘rinni egallagan saytlar Uzinfocom markazining maxsus sovg‘alari, xususan, original haykalcha va Uzinfocom xizmatlaridan foydalanish uchun 300 ming so‘mlik vaucher bilan taqdirlanadi. Bu haqda Uzinfocom markazining “Internet texnologii” sayti xabar bermoqda.
Hafta davomida to‘plangan ma’lumotlarga ko‘ra, “Daryo” UZ domeni internet-festivalining eng ommabop OAV sayti yo‘nalishida birinchi o‘rinni egalladi.
G‘oliblar WWW.uz saytida berilib boriladigan xost (unikal tashrifchi)lar miqdoriga qarab aniqlandi.
G‘oliblar qatoridan Muz.uz (madaniyat sohasidagi eng yaxshi sayt), Lex.uz (davlat boshqaruvi sohasidagi eng yaxshi sayt), Stadion.uz (sport sohasidagi eng yaxshi sayt) va boshqa saytlar o‘rin oldi.
Eslatib o‘tamiz, bundan avvalroq, UZ milliy domeni internet-festivali finalchilari aniqlangani xabar qilingan edi.
InfoCom-2014 axborot-kommunikatsiya texnologiyalari haftaligi doirasidagi internet-festival natijalarini e’lon qilish va g‘oliblarni taqdirlashga bag‘ishlangan tadbir 22-sentabr kuni “Yoshlar ijod saroyi”da bo‘lib o‘tadi.
Izoh (0)