Bugun, 12-avgust kuni Buyuk Britaniyadagi Cardiff City stadionida UEFA Superkubogi uchun bahs bo‘lib o‘tadi. Unda Chempionlar ligasi g‘olibi — Madridning “Real” jamoasi Yevropa Ligasi g‘olibi bo‘lgan “Sevilya”ga qarshi kurash olib boradi, deb xabar bermoqda Uff.uz.
O‘yinning yangi mavsum oldidagi eng katta va qiziq uchrashuv bo‘lishi kutilmoqda. Ko‘pchilik futbol mutaxassislari ushbu juftlikda “Real”ning so‘zsiz g‘alabasiga ishonmoqda. Biroq ko‘proq ruhiy va jismoniy tayyorgarlikka ega bo‘lgan jamoagina g‘alaba qozonishi mumkin.
O‘yin oldidan ikkala klub bosh murabbiylari oson bo‘lmasligi haqida gapirib o‘tdi.
Eslatib o‘tamiz, bellashuv Toshkent vaqti bilan soat 23:45da boshlanadi.
Mazkur o‘yinni “Sport” telekanali orqali to‘g‘ridan-to‘g‘ri namoyish etish uchun harakatlar amalga oshirilyapti, degan ma’lumot ham bor.
Izoh (0)