“Qozog‘iston Respublikasi Prezidenti Kubogi” IV Xalqaro turnirida ishtirok etuvchi O‘zbekiston terma jamoasining tarkibi aniq bo‘ldi, deb xabar berdi Uz24 Sports.uz axborotiga asoslanib.
Turnir Olma-Ota shahridagi Baluan Sholak nomidagi Sport saroyida 7—14-iyul kunlari bo‘lib o‘tadi. Turnirda jami 10 to‘plam medal uchun kurash olib boriladi.
O‘zbekiston nomini himoya qilib Do‘smatov Xasanboy (49 kg gacha og‘irlik), Latipov Jasurbek (52 kg gacha), Ahmadaliyev Murodjon (56 kg gacha), Abduraimov Elnur (60 kg gacha), Turdiyev Dostonbek (64 kg gacha), Madrimov Isroil (69 kg gacha), Normatov Xurshidbek (75 gacha), Mamazulunov Oybek (81 kg gacha), To‘laganov Rustam (91 kg gacha) va Abdullayev Mirzohidjon (91+) qatnashadi.
Jamoa bosh murabbiyi — Qo‘chqorov Mars. Bundan tashqari, murabbiylar tarkibiga Ergashev Murod, Haydarov O‘tkirbek, Razmaxov Aleksandr kiritilgan.
Turnir hakamlari tarkibida O‘zbekistondan Jasurbek Qurbonov qatnashadi.
Izoh (0)